Slider[Style1]

Style2

Style3[OneLeft]

Style3[OneRight]

Style4

Style5[ImagesOnly]

Style6

Kwa hili Diamond umechemka.


Miaka kadhaa nyuma aliibuka msanii mchanga na nyimbo kali na zilizogusa mioyo ya wengi, hisia kali, mashairi yenye mpangilio na hata vina vilivyosimama kwa unadhifu, walilia wenye kulia kwa tungo hizo, wakafurahi wenye kufurahishwa na utunzi huo, vijana wakasema dah!, mshikaji ni noumaa!, ndio, hayo ndo maneno yetu vijana tukimkubali mtu, ila wazee nao wakasema Mungu amzidishie na kumbariki kijana huyu. Ndio, maneno ya wakubwa dawa bwana, na Mungu kweli akatenda, kijana akabarikiwa.

Kwa mara ya kwanza nlimskia na wimbo wake ‘nenda kamwambie’, hatukukaa sawa akaruka hewani tena na wimbo mzuri wa ‘Mbagala’, baada ya hapo akafululiza na vibao kadhaa matata, ikiwemo ‘Nitarejea’, ‘Moyo wangu’ na ‘mawazo’, vyote vi kanigusa, si mimi peke yangu, ila wengi wetu tuliguswa na tungo zake, ndio maana nikasema alipata baraka za vijana na wazee.

Akalivuka lile daraja reefu la hofu linaloogopwa na wengi, ‘kufeli’, na sasa akawa ni mmoja wa waliomaarufu nchini, waliombeza wakamkubali, waliompuuza wakamuona anafaa, hakuwa na baiskeli sasa akamiliki magari ya kifahari, na mengine akayatoa zawadi kwa walioichezea bahati, bado wazee wakambariki.

Niliwahi kusikia anataka kujenga nyumba ya ibada, ili wenye mioyo safi wapate sehemu safi na salama ya kumlilia Mola wao, ilinipa faraja na wengi wakazidisha maombi kwake, lilikuwa ni wazo zuri ingawa sikujua wapi liliishia, na bado maombi na baraka za wengi zikazidi kwake.

Ikawa huwezi kufanya onyesho na lijae kama hayupo kijana huyu, itakula kwako nzima nzima huku ukibaki na viti vitupu na hakuna hata atakae ingia, ili matangazo yako yakae vyema basi huna budi kuliweka jina lake. Zote hizo ni baraka kwake.

Akakua na akahitaji mwenza, ni jambo zuri na wala si baya, akachagua, mara ya kwanza, Mrembo wa Tanzania, anaefanya vizuri kwenye tasnia ya filamu na ujasiriamali, Wema Abraham Sepetu, wengi tukapenda chaguo lake, tukapenda hadithi zao na tukapenda kujua hata hatma yao, pakaharibika. Si mbaya, kwani kosa si kosa bali kosa kurudia kosa. Ingawa hatukujua nini kilitokea.

Akafunga virago, akahama, sasa akahamia kwa mwingine, nae ni mrembo tu, na ni binti mtaratibu mwenye maadili, mwenye nyota na mafanikio kimuziki, kuitangazaji, urembo na hata ujasiriamali pia yumo, mrembo matata anayesemekana alikuwa wa mkali wa mpira wa mikono, Braza Hashimu, hii ni kutoka kwenye majarida kadhaa ya kibongo, huko nako hakukaa, akafungasha tena virago na kurudi kule kule kwa mwanzo alikokuacha, mara hii alirudi kwa pete na matangazo ya majukwaani, kwa mtoto wa Abraham. Ingawa tulishtuka ila tukasema si mbaya, kwani kujaribu ndo kubahatisha.

Aliporudia hakukaa, akahamia tena kwengine, na mara nyingi huwa haendi mbali, sasa akaenda kwengine, mtangazaji na mtu maarufu wa luninga mwenye umbo zuri, ambae mie binafsi sijui alimnyang’anya nani, tukasema wee tukanyamaza, na udaku wakaandika wee wakachoka. Bwana mkubwa hakujali, ila uko nako akahama.

Tulipouliza kwasasa yuko wapi, tukaambiwa karudi kulee kwa mwanzo, tena mara hii ikasemekana hataki tena ujinga, dhamira yake ni kuoa na kuweka ndani, yaani Mke na mume, na magazeti pia yakamnukuu kwa nukuu mbali mbali, nasi tukasema kaka kakua, ingawa wazee waliokuwa wakimbariki kipindi kile, sasa wakakaa kimyaa.

Kwa Yule tena keshafungasha na amehama tena, na sasa kavuka boda kabisa, kaenda kwa majirani zetu Uganda, kwa Binti wa watu mwenye chenji za kutosha, ambae inasemekana aliwahi kuolewa na bwana mmoja maarufu nchini humo na kubarikiwa watoto watatu, ila kwa sasa ameamua kutulia na bwana huyu wa kibongo, tayari buraza anatarajia kupata mtoto na shemeji yetu huyo.

Yote heri na yote ni maamuzi binafsi, ila imani yangu inaniambia mapenzi na yote yafanyikayo mapenzini ni siri ya wawili, sasa inakuaje mitandao yote inatapakaa picha zake za kudendeka laivu laivu na watoto wa watu? ambao wengine aidha ni watoto wa wazazi wenye kuheshimiwa katika jamii, au wengine ni mama za watoto wanaotarajiwa kukua na kuwa watu fulani katika jamii hii.

Sikatai kwamba kaka ni maarufu na kuandikwa kwake ni kawaida, sawa, ila inakuaje picha za siri ambazo naamini wakati wa kufanya haya wanakuwa wawili tu, halafu leo hi zinapamba magazeti na mitandao ya kijamii kwa fujo kiasi hiki! Ni makusudi au wanamnyatia? na kama ni hivyo basi ana bahati kweli ya kubambwa.

Je hii ni kweli haya yanatokea kwa kupangwa au ni kwa bahati mbaya tu?, kama haya hutokea kwa kupangwa basi kuna haja ya kufikiria mara mbili, ila kama kwa dhumuni maalumu pia inabidi tuliangalie kwa jicho la pili, kwani nachelea usije kuwapotosha wale woote wanaokuona wewe kama kioo cha jamii.

Hebu awafikirie wazazi wa watoto hawa wa kike, hebu awafikirie watoto wa mabinti hao, watoto ambao watakua na kukuta picha hizi za wazazi wao kwenye mitandao, hebu pia awafikirie wale ambao mwanzo nilisema kwamba walimkukubali na kusema “Mungu akuzidishie”, na nnahofia wasije badili dua zao zikawa mwiba. Awafikirie pia na washkaji wanaoumkubali kimuziki na kumuona yeye ndio kioo chao

Ila kaka pongezi kwa kazi nzuri iliyotoka hivi karibuni ambao sisi wote tumeikubali, iko tait kinyama, na tunaamini itabamba kitaani kwa muda mrefu kama kawaida yako, siku zote kaka hutoa vilivyo bora, big up! Na naamini itabamba chati zoote mama bongo.

Wema Sepetu: Niliwahi Kutoa Mimba Moja tu ya Kanumba Kwa Vile Nilikuwa Mdogo Sana, Wanao Sema Nimetoa Mimba Nyingi ni Waongo


Anazungumzia ishu ya kupata mtoto ndani ya EFM Radio Jana... Anasema watu wanaomsema hapati mimba kwa kuwa ametoa sana mimba, ni uongo kwa kuwa ameshatoa mimba moja tu tena ya Kanumba na kwa kuwa alikuwa mdogo.

Anasema ndoto yake ilikuwa kuzaa na Diamond ila hakuwahi kupata ujauzito ila ameangaika sana kupata na Diamond na wamehustle together kumpata mtoto ila haikuwezekana.

Anasema tangu hapate hiyo mimba ya Kanumba hakuna mwanaume ambaye ameshawai kumpa ujauzito. Anachukia sana watu wanapomkashifu kwa kuwa ata yeye ili swala lina muumiza sana.

Source:EFM

COASTAL UNION YAJIFUA KUIKABILI POLISI MOROGORO


Kocha Mkuu wa Coastal Union,Jamhuri Kihwelu "Julio"akisisitiza jambo kwa wachezaji wa timu hiyo mara baada ya kumalizika mazoezi yao juzi kwenye uwanja wa CCM Mkwakwani kwa ajili ya kujiandaa na mechi yao ya Ligi kuu dhidi ya Polisi Morogoro itakayochezwa Jumatano wiki ijayo kwenye uwanja wa Jamhuri Mkoani Morogoro,Picha kwa Hisani ya Coastal Union.

Japokuwa sio harakati za Bongo ila hii ibidi, Kanye West azindua biblia yake


Hujulikana sana kwa maringo yake,lakini kwa kweli Kanye West asingekufuru na kujitambulisha kama mungu katika biblia hiyo.
Kitabu hicho kitukufu kimebadilishwa na kuwa Biblia ya sasa kwa jina ''Yeezus'' na amini usiamini kila neno la Mungu katika kitabu hicho limeondolewa na badala yake msanii huyo wa muziki wa kufoka foka ameweka jina lake.

Kulingana na gazeti la The Independence nchini Uingereza,kitabu hicho kinasema kuwa katika kizazi hiki ,Kanye West ndio mkubwa na vilevile kiongozi wa kidini

Kitabu hicho kinaongezea kwamba ''katika utangulizi wetu tunamsherehekea Kanye West na vile alivyotufanyia katika maisha yetu''

Ijapokuwa Kanye hajatoa tamko lolote kuhusu wadhfa huo aliojipatia,amekuwa akijifananisha na Mungu hapo mbeleni.
''Mungu alinichagua mie,alinitengezea njia.Mimi ni chombo cha mungu'',alisema mwaka 2009.

''Lakini kinachoniudhi maishani mwangu ni kwamba sitawahi kujiona nikicheza muziki moja kwa moja''.,aliongezea.
Wasanii wengine waliofananishwa na Yeezy ni Marilyn Monroe na Michael Jackson.

Mambo 10 aliyosema Wema katika Maisha baada ya kuachana na Diamond

Ijumaa hii Wema Sepetu alikuwa mgeni kwenye kipindi cha Ubaoni cha EFM. Miongoni mwa mambo aliyoulizwa ni pamoja maisha baada ya kuachana na Diamond Platnumz.
Haya ni mambo 10 aliyosema:

1. Maisha yake bila Diamond yako poa tu japo mazoea yaliyokuwa yamezidi kati yao yanamfanya wakati mwingine kummiss!

2. Ameshakubali ukweli kwamba yuko mbali na Diamond

3. Anaamini kuwa Diamond anammiss pia kutokana mazoea waliyokuwa nayo

4. Wema na Diamond sio marafiki

5. Hana  kinyongo na Diamond ila anaamini kuwa Diamond bado ana kinyongo naye

6. Ni shabiki na ataendelea kuwa shabiki wa nyimbo za Diamond

7. Hawajahi kukutana na Diamond tangu waachane

8. Hajawahi kumpigia simu

9. Aliwahi kumtumia meseji Diamond kumpa pole kwa kuuguliwa na mama yake

10. Bado hajapata mwanaume mwingine

WATU 19 WAMEFARIKI KWA AJALI, MBEYA.

Watu 19 wamefariki dunia leo na wengine kadhaa kujeruhiwa baada ya basi dogo walilokuwa wakisafiria kutumbukia mtoni huko Tukuyu,Mbeya.
Chanzo bado hakijafahamika ila tutakujuza zaidi tupatapo habari zaidi
Mungu azilaze roho za marehemu mahali pe






Sakata la Emmanuel Mbasha Kubaka: Daktari Atoa Ushahidi Mahakamani, Asema Vipimo Havikuonyesha Dalili yoyote ya Msichana Huyo Kubakwa


Shahidi wa nne katika kesi ya tuhuma za ubakaji inayomkabili Emmanuel Mbasha, mume wa mwanamuziki wa nyimbo za injili, Flora Mbasha, jana alidai mahakamani kuwa hakuona dalili zozote za kuingiliwa kimwili mlalamikaji.

Hayo yalidaiwa na daktari wa Hospitali ya Amana, Migole Mtuka, ambaye alimfanyia vipimo msichana huyo.

Daktari huyo alidai katika Mahakama ya Wilaya ya Ilala kwamba vipimo alivyomfanyia msichana huyo anayedaiwa kubakwa na Mbasha, havikuonyesha kitu chochote.

Dk. Migole alidai kuwa binti huyo alifika hospitalini hapo Mei 26, mwaka jana, kwa alili ya kufanyiwa vipimo.

Alidai kwamba binti huyo alipofika hospitalini hapo, alimfanyia kwanza vipimo vya macho kisha kumtaka kwenda kufanya vipimo vya maabara, ambavyo hutolewa bure.

Dk. Migole  alidai kwamba baada ya kumtaka kwenda kufanya vipimo vya maabara, akiwa na baadhi ya ndugu wa familia yake, hakwenda bali aliingia mitini na kurejea Juni 3, mwaka jana, baada siku nane kupita.

Alidai baada ya kufanyiwa hivyo, vipimo hivyo  vilionyesha kuwa hakuna kitu chochote alichofanyiwa, kwa maana ya kubakwa au kuingiliwa na mwanamume katika mwili wake na kuwajazia fomu aina ya PF3 kwa kile alichokiona.

“Binti huyo hakuonekana kuwa na ujauzito, maambukizi ya virusi vya ukimwi (VVU) na wala mbegu za kiume katika sehemu za siri,” alidai daktari huyo.

Hata hivyo, baada ya kutolewa ushahidi huo, Hakimu Flora  Mujaya, hawakuweza kusikiliza ushahidi mwingine kutokana na taarifa za msiba wa hakimu mwenzao, zilizofika mahakamani hapo.

Kesi hiyo itaendelea kusikilizwa kwa upande wa Jamhuri Aprili 20, mwaka huu.

Mbasha anadaiwa kuwa Mei 23 na 25, mwaka jana, alimbaka binti  mwenye umri wa miaka 17, ambaye anadaiwa ni shemeji yake  huku akijua kufanya hivyo ni kinyume cha sheria.

AMOUR GENIUS FT KADJA NITO - WANIMALIZA (NEW OFFICIAL VIDEO)

Ali Kiba yuko Chimbo akipika Album Mpyaa.

Muimbaji wa ‘Chekecha Cheketua’ Alikiba a.k.a King Kiba kwa sasa hafanyi collabo na wasanii wengine na ametoa sababu iliyomfanya achukue uamuzi huo.
ALIKIBA1
Akizungumza kupitia Leo Tena ya Clouds Fm, Alikiba amesema amechukua uamuzi huo kwasababu anamalizia kurekodi album yake ambayo iko kwenye hatua za mwisho.
“Nimestop kufanya collabo, sababu namalizia kazi zangu flani namalizia album nikimaliza ntaendelea kufanya featuring.” Alisema Alikiba.
Msanii mwingine wa Afrika ambaye amechukua uamuzi kama wa Kiba ni Davido, ambaye mapema mwaka huu pia alitangaza kusitisha kufanya collabo ili amalizie album yake.

BRIGEDIA JENERALI SARA THOMAS RWAMBALI ATEULIWA KUWA MWAKILISHI MAALUM WA AU SUDAN YA KUSINI


Na Mwandishi Maalum, New York 
 Mwenyekiti wa Kamisheni ya Umoja wa Afrika, Dr. Nkosanzana Dlamini Zuma, amemteua, Brigedia Jenerali Sara Thomas Rwambali kutoka Jeshi la Wananchi wa Tanzania ( JWTZ),kuwa Mwakilishi Maalum na Mkuu wa Ofisi ya Umoja wa Afrika Sudan ya Kusini . 
Kwa mujibu wa taarifa kwa vyombo vya habari iliyotolewa na AU na nakala yake kutumwa Uwakilishi wa Kudumu wa Tanzania katika Umoja wa Mataifa, inaeleza kwamba makazi ya Brigedia Jenerali Sara Thomas Rwambali yatakuwa Juba. 
 Pamoja na uteuzi wa Brigedia Jenerali Sara Rwambali, Dr. Nkosazana Dlamini Zuma pia amewateua Madame Josephine- Charlotte Mayuma Kala kutoka Jamhuri ya Kidemokrasia ya Kongo, anayekuwa Mwakilishi Maalum na Mkuu wa Ofisi ya Umoja wa Afrika huko Cote d’Ivoire na makazi yake yakiwa Abidjan, 
Wengine walioteuliwa ni Madame Nyiramatama kutoka Rwanda, anayekuwa Mkuu wa Ofisi ya AU huko Chad , makazi yake yakiwa Ndjamena na Dr. Arvin Boolel kutoka Mauritius anayekuwa Mwakilishi Maalum na Mkuu wa Ofisi ya AU katika Maziwa Makuu Burundi na makazi yake yakiwa Bujumbura. 
Taarifa kwa vyombo vya Habari kutoka AU inaeleza zaidi kwamba uteuzi huo ni sehemu ya AU ya kuhakikisha uwepo wake katika kila eneo na vile vile kuunga mkono juhudi zinazolenga katika kukuza Amani na Usalama Barani Afrika “Ninatoa pongezi zake za dhati kwa wateuliwa ambao ni viongozi wa ngazi za juu na wenye sifa za kutukuka katika utumishi wa umma wakiwa na uzoefu mkubwa katika eneo la amani na usalama. Si jambo la ajabu kwamba wateule watatu kati ya wanne ni wanawake” anasema Dr. Zuma 
Na kuongeza, “katika mwaka huu wa 2015, ambao Umoja wa Afrika umejikita katika uwezeshwaji wa wanawake. 
"Ninayo matumaini makubwa kwamba AU na Afrika kwa ujumla itanufaika na utaalamu na uzoefu mkubwa na uwezo wa kiuongozi kutoka kwa wateuliwa hawa”. 
Mwenyekiti wa Kamishna ya AU pia ametoa wito kwa wadau wote kuwapatia ushirikiano wateuliwa hao ili waweze kutekeleza majukumu yao kwa ukamilifu kwa maslahi ya Bara la Afrika, huku akitoa shukrani kwa wawakilishi ambao wanamaliza muda wao.
Katika picha hii ya Maktaba,  Amiri Jeshi Mkuu , Rais Jakaya Mrisho Kikwete akimtunuku  nishani ya kumbukumbu ya  miaka 50 ya Jeshi la  Wananchi wa Tanzani ( JWTZ) Brigedia Jenerali Sara Thomas Rwambali ambaye hivi karibuni,  Mwenyekiti  wa  Kamisheni ya  Umoja wa Afrika,  Dr. Nkosazana Dlamini Zuma amemteua kuwa Mwakilishi Maalum na Mkuu wa Ofisi ya  Umoja wa Afrika  nchi  Sudani ya Kusini.